Mark 4

1ι pasə nι tasə wʋlʋ ka lιιʋ nɔ rə. Yəra kpatər kaa nʋ kotəι, nι kpa pkɨlʋ ta nι cɔ, atisə kʋ lem ta. Yəra kpatər cɔ lem lekasə ka lιʋ nɔ rə.

2ι wʋlʋ wa wʋltə ka tιəmpə ka acantuka ta, nι kal wa sə:

3“ι nι sartə, yər nιr lia nι wal rɨrtə. 4ι wι nι rɨ wontə na, wontərɨtə nəntrə tɨal nampu ta, n’asɨmasə kɔn sə tιsə tə. 5Nəntrə tɨal wιι ta, awar nrə tιtə ta tιna na. Tə tənkə tə ño, wontə rə na tə ta tɨ tιtə tι.

6Ama, mιsə kɔmpa sə kpa wontə na, sə ñɔ tə, nə tə wʋl wontə rə na tə lɨla ta hu tιtə ka kpatər. 7Nəntrə tɨal shɨɨa ta nə hɨɨa ya kpɔl ya kantə rɨtə ntə rə, n’ tə ləl wii.

8N’ nəntrə tɨal tιtə sartə ta, tə ño sartə nə tə kpɔl, n’ntrə ləl wii ka hiinitɨsə, nəntrə ka hiinlərə, n’ntrɔ arfa ka wontə a ka rɨtə na. 9“ι kal sə, “woñι wι rəna sι nιι na, ι nιι.”

10Yesu kɔmpa nι wιι ι rəcel ka wontə na, ι waratənkəra hɨɨu na naʋl, nən wompa ka wιι ι cal na wa wasə-ι n’ʋlin acantuka ya tι. 11ι kal wa sə,” Mιι həna, ʋ ha mι Ashia Wurtə ta amɨasɔ ta yəntə, ama wompa tan mι ta na , awʋtʋn-wa acantuka tɔ na, 12sə fιι- nə wa ñelʋ, ama wa ñəlʋ tʋfələm ka paa, waa na; nə wa kokʋ, wa kokʋ tufələm ka paa ama waa nι, sə wa kιl na Ashia rə n’ι tιsən wa wa awarkasə

13ι kal sə,” ι yaa nι acantur nrə tι ya? ιι kʋʋ-sə ι nι sənɔ acantuka nya kasa na ya tι? 14Wontə rirə ri Ashia n’tɨantə. 15Wontə tɨal nampu ta na, kin, wompa kokʋ Ashia tɨam, nən alʋ tənkʋ kʋ ləsʋ wontə a ri tə wa ta na.

16Wontə tɨal wιι ta na, kiin wompa nιι Ashia tɨam wa tənkʋ wa mʋʋ pə na lələn; 17ama, wa ta ta cɨtə waa rʋkən tɨam sə ʋlʋlə; n’ cartə, ya naastə kʋn ka tɨam pə wa kɨɔ pə na pə rə, wa nantə tənkʋ tə makə, wa she tə, nə tɨam pə pə lakə təmər ka wa ta.

18Wontə tɨal shɨa ten ta na, kiin wompa nι tə, 19ama, tιtə rə yəntə mɔsɨm, nə shɨʋtə tικətə, nən nιntər shɔləm; tətən ñι ka ha tɨampə ari pə nasə pə ləl wii. 20Wontə tɨal tιtə sartə yəntə ta na, ntə kii na wompa nιι Ashia tɨam nən wa mʋ pə, nə pə ləlʋ wii ka tama hii nɨstəsə, ntrə ləl tamahiin ləɖə, nəntrə ka arfa ka wontə a ka riitə na

21Yesu kal sə,”Akʋn kanrə ka riota s’asιrə rʋkʋ tι, ya karʋ tι yaa? a kʋnrə sə asι rə wʋrə rɔ ashiata. 22Wontə rι na, n’tər tan ka tə mιala ka a kʋ sə a ra səntə ya n’trɔ amɨasɔta, nə fəlmιιnə ra yantə tə rə. 23Nnə woñι wι rəna sι nι na, ι nι.”

24ι kal wa sə,” ι kpa mι tι na wontə ι nι na, wontə rι na, wonɔna ι lakə na səmpɔna a kʋ sə a la mι hal nʋ kəl. 25Wontə rə na pa woñι wιι na wʋr na, n’ñɔna atasʋ s’ʋtιna, nnə paa woñι tan na wʋrə na,paa cʋkʋa ñι ι wι na, akpɔrʋι..”

26Yesu kal sə Ashia Wʋrtə ta nʋʋsən sə yər ñι rii wontəriitə na. 27ι ro nι hɔn, aho nən mιsə, nən wontəriitə ño nə tə pkɔlʋ, nι ta sən wonɔna tə lakə na. 28Tιtə lakə na tə ño, n’ʋ kpɔlʋ, ʋ lakə canɖʋ, n’ʋ təl, n’ʋ ləl wii. 29Wii n’ya sιι wontə na, a naa sə tunɔ teɖu tala klι, n’a kpa səsii.

30Υesu kal sə:” wontɔ ra sʋkʋ tə sə rə nʋsən Ashia wʋrtə ta, ya acantukʋr wonɖɔ ra sʋkʋ sə ra ləsə tətι. 31Te nʋsən wiir n’rə wι cʋnkʋr ka tən ka wii tən ya a ri ya na ya ta. 32Re ño wontə na rə kpɔl rə rəpəsə teʋ cəpkɔlʋ ka tən, ka ten ta. Kʋ ləsə ahulasə ka cekpɔlsə, n’asɨmasə pιsʋ sə ka sə rɨana ka kʋ haatə ta.

33N’acantuka tɔna ι wʋtʋn wa Ashia tɨam ka kpatər sə ŋ yanya hən, sə wonɔna wa pιsʋ wa sə wa nι na. 34Ama, ι ta wʋtən wa ka ʋ ta cii acantukur ta. Ama, wa wι wa rəcel, ι ləsʋ ya tιɔɔ ι watənkəra.

35Ayʋkʋ nkʋ ran raan wontə na, ι kal wasə,”ι yel ra tιasə nən wara. 36“N wa yel yəra kpatər. Waratənkəra kpa Yesu ka wa calɔ kpɨlʋ ta, wontə rι na nnɔn ι tem kʋ tɔ wιʋ. Kpɨlən nəñər ka wι ι cal rərə. 37Ahɨlɨm nampər paasə fətʋ ka ren ka tən, nən pə kʋsə lem pə masʋ kpɨlʋ ta nə kʋ suru.

38Ama, n’nɔɔn Yesu ka wι kpɨlʋ warɔ ι hənɖa n’ι roo, n’ι hιιsə ι ñʋn ka səmɨa rə. Wa wal wa wɔsəι, nə wa kalʋι sə, “Wʋlɖə, n ka naa sə rə wι səm tɔna ya?. 39“ι ñam wontə na, ι ñasə ahɨlɨm, n’ι wʋtən lιʋ lem sə,”!sɨn cutu, co rəhιι.” N’ahɨlɨm sɨn n’ʋ la rətam.

40Yesu kal wa sə,”Arlapa nafatə kpa mι? Hal nən kɔhən ι tan mʋ nən tɨsʋ ya?” Nafatə ka kpa tən, n wa wasʋ rəmanə sə” Anɔ klι, hal n’ahɨlɨm na lem wa ñɔŋι?”

41